Marcus Rashford, leikmaður Manchester United, er að halda sér í standi en hann æfir í dag einn í Cannes í Frakklandi.

Rashford er mikið í umræðunni þessa dagana en hann gæti vel verið á förum frá uppeldisfélagi sínu í sumar.

Rashford lék með Aston Villa á láni seinni hluta tímabils en ólíklegt er að hann semji endanlega við félagið.

Englendingurinn hefur birt myndir af sér á æfingu í Frakklandi en hann nýtur lífsins í sólinni þessa dagana enda í sumarfríi.

Einkaþjálfari Rashford ferðaðist með honum til Frakklands en hann ætlar að vera í sínu besta standi er flautað er til leiks næsta vetur.