Eiður Smári Guðjohnsen segir magnað að svo langt sé á milli Liverpool og Manchester United í ensku úrvalsdeildinni, í ljósi þess hvernig leikur liðanna var í gær.

Leikurinn var hin mesta skemmtun og lauk með 2-2 jafntefli. Liverpool er áfram með gott forskot á toppnum en United lyfti sér upp í 13. sæti.

„Það sem stend­ur upp úr eft­ir leik, þegar maður horf­ir á bæði lið, er að það er ótrú­legt að það séu 13 sæti á milli þess­ara liða. 23 stig, 13 sæti,“ sagði Eiður í Vellinum á Símanum Sport í gær.

„Ég held að United sé mun meiri sig­ur­veg­ari dags­ins með þetta stig miðað við Li­verpool en því­lík skemmt­un þessi seinni hálfleik­ur,“ bætti hann við.