Bryndís Arna Níelsdóttir landsliðskona kveðst virkilega spennt fyrir að takast á við ógnarsterkt þýskt landslið í undankeppni EM á föstudag.
Ísland mætir Þjóðverjum á föstudag hér heima og Pólverjum ytra fjórum dögum síðar. Sigur í öðrum hvorum leiknum tryggir sæti á EM á næsta ári.
„Þetta er gríðarlega spennandi verkefni. Við tryggjum okkur á EM með sigri á föstudag og það er mjög gott „motivation“ fyrir okkur allar. Við erum allar tilbúnar,“ sagði Bryndís við 433.is í dag.
„Þetta er náttúrulega mjög sterkt lið en það eru alltaf einhverjir möguleikar. Við munum gera allt til að taka þessi þrjú stig.“
Bryndís gekk í vetur til liðs við Vakxö í sænsku úrvalsdeildinni. Hún sneri nýverið til baka úr meiðslum og skoraði í síðasta leiknum fyrir landsleikjahlé.
„Mér líður mjög vel. Það er mjög skemmtilegt að spila í þessari deild. Þetta hafa auðvitað verið erfiðir mánuðir fyrir mig í meiðslum svo það er mjög góð tilfinning að vera komin til baka og að spila reglulega.
Það var mjög gott að ná inn þessu marki í síðasta leiknum fyrir frí. Nú er þetta upp á við aftur,“ sagði Bryndís.
Viðtalið í heild er í spilaranum.