Þónokkrir knattspyrnuaðdáendur gerðu létt grín í vængmanninum og stjörnunni Jack Grealish eftir mynd sem birtist á dögunum.

Grealish er ásamt söngkonunni heimsfrægu Rihanna á myndinni en þau hittust eftir leik Manchester City og AC Milan í Bandaríkjunum.

Um var að ræða æfingaleik sem AC Milan vann 3-2 en Grealish er leikmaður enska félagsins.

Grealish fékk loksins að upplifa drauminn með því að hitta Rihanna en hann greindi frá því í viðtali fyrir þónokkru síðan að hann væri mjög til í að hitta söngkonuna.

Englendingurinn var spurður út í það hvaða frægu manneskju hann myndi vilja hitta og nefndi hann Rihanna á þeim tíma.

Spurður út í af hverju svaraði Grealish: ‘Því hún er svo falleg. Ég er líka aðdáandi tónlistarinnar.’

Grealish birti myndina sjálfur á samskiptamiðlum og viðurkennir að hann hafi verið ansi lítill við hlið söngkonunnar.

Myndina af þeim má sjá hér.