Brentford hefur snarlækkað verðmiðann á Ivan Toney og er hann nú kominn undir 50 milljónir punda, en hann var áður nær 80 milljónum punda.

The Sun heldur þessu fram, en framherjinn hefur verið orðaður frá Brentford um nokkurt skeið.

Lið eins og Arsenal, Chelsea og Manchester United hafa verið sögð áhugasöm en ekkert þeirra hefur boðið í Toney eða gert sig líklegt til þess í sumar.

Því bregst Brentford við með því að lækka verðið. Það er búist við því að það verði til þess að félög eins og Tottenham og West Ham komi að borðinu.

Toney hefur verið hjá Brentford síðan 2020 og er samningsbundinn félaginu út næstu leiktíð.