Dani Olmo hefur í raun staðfest það að hann ætli sér að yfirgefa þýska félagið RB Leipzig í sumar.
Um er að ræða spænskan landsliðsmann sem spilaði með liðinu á EM í sumar er liðið vann mótið.
Olmo spilaði stórt hlutverk í sigri sinna manna og er sterklega orðaður við Englandsmeistara Manchester City.
,,Við sjáum til. Við vorum að fagna titlinum saman og nú er ég kominn á æfingasvæðið,“ sagði Olmo.
,,Fólkið sem sér um mín mál veit hvað ég vil gera. Ég veit ekki hvort ég verði áfram í Þýskalandi, við sjáum til.“
,,Ég vil spila þar sem ég er elskaður og það sem ég vil gera er að vinna. Það eru margir möguleikar í boði.„
