Vincent Kompany, nýr stjóri Bayern Munchen, hefur varað stórstjörnur eins og Harry Kane við því að það sé mikilvægt að læra þýsku á næsta tímabili.

Kane talar afskaplega litla þýsku en hann samdi við Bayern í fyrra eftir að hafa spilað á Englandi allan sinn feril.

Kompany lék sjálfur í Þýskalandi á sínum tíma en hann vill að allir sínir leikmenn tali tungumálið og reyni sitt besta að læra það í vetur.

,,Það er mjög mikilvægt að skilja hvorn annan. Ég get útskýrt marga hluti á þýsku en það koma augnablik þar sem enskan tekur yfir,“ sagði Kompany.

,,Það mun taka smá tíma áður en ég get þýtt allt yfir á þýsku, kannski breytist það á næstu árum.“

,,Ég er Belgi og við getum talað saman á mörgum tungumálum, þýsku, ensku, frönsku og hollensku, það er ekkert vandamál.“

,,Það mikilvægasta er að fá leikmennina til að læra þýsku.“