Hinn magnaði Lionel Messi skráði sig enn einu sinni í sögubækurnar er lið hans, Argentína, komst í úrslitaleik Copa America.
Liðið vann 2-0 sigur á Kanada í undanúrslitum og skoraði hinn 36 ára gamli Messi í leiknum.
Þetta þýðir að Messi er á leið í úrslitaleik með landsliði sínu í sjöunda skiptið á ferlinum. Er hann fyrsti maðurinn til að afreka það.
Hann tekur fram úr Cafu og Roberto Carlos sem höfðu farið í sex úrslitaleiki.
Af þessum sex úrslitaleikjum hingað til hefur Messi unnið tvo, þar á meðal HM 2022. Hann vill ólmur bæta þeim þriðja við núna.