„Við erum spennt að tilkynna að Andri Rúnar Bjarnason hefur gengið til liðs við Stjörnuna fyrir komandi keppnistímabil!,“ segir á vef Stjörnunnar.

Andri lék á síðasta tímabili með Vestra en hann hefur einnig leikið með BÍ/Bolungarvík, Víkingi, Grindavík, ÍBV og Val hér á Íslandi.

Einnig lék Andri erlendis, en þar var hann á mála hjá Helsingborg, Esbjerg og Kaiserslautern.

Andri á að baki 5 leiki með íslenska A-Landsliðinu þar sem hann skoraði eitt mark.

“Ég er gríðarlega spenntur fyrir þessu verkefni og ákvörðunin um að ganga til liðs við Stjörnuna var mjög auðveld þar sem metnaðurinn er mikill og hópurinn sterkur. Ég hlakka mikið til þess að spila á Samsungvelli fyrir framan Silfurskeiðina og stuðningsmenn liðsins!” segir Andri Rúnar Bjarnason við undirskrift samningsins.