Nicklas Bendtner, fyrrum framherji Arsenal og Juventus, er búinn að stofna sitt eigið fyrirtæki sem ber nafnið Legendary Gaming Group eða LGG.

Þetta ágæta fyrirtæki mun sjá um lið í ýmsum tölvuleikjum og stefnir Bendtner á að geta keppt við bestu félög heims.

Bendtner er 36 ára gamall Dani en hann hefur lagt skóna á hilluna og einbeitir sér að öðrum hlutum en fótbolta.

Ástæðan á bakvið þessa ákvörðun er þó skemmtileg en Bendtner varð mjög hrifinn af tölvuleikjum í einangrun á versta tímabili COVID-19.

Morten Jensen mun starfa með Bendtner í fyrirtækinu sem og þeir Atle Stehouer, Stephen Shine og Jonas Rosbech.

Bendtner hafði lítinn áhuga á tölvuleikjum sem leikmaður en áhuginn vaknaði á meðan hann var fastur í einangrun árið 2020.

Bendtner lagði skóna á hilluna árið 2019 og hefur ekkert starfað í fótboltanum síðan þá.