Það er öllum ljóst að Chelsea hefur áhuga á því að selja Conor Gallagher miðjumann félagsins í sumar til að laga bókhaldið.

Chelsea er að berjast við FFP kerfið eftir mikla eyðslu og þá er oft gott að selja uppalda leikmenn.

Gallagher er einn af þeim sem er til sölu í sumar og Sky Sports segir nú að Atletico Madrid vilji kaupa hann.

Gallagher á bara ár eftir af samningi sínum við Chelsea og því er félagið viðbúið að allt geti gerst í sumar.

Gallagher hefur verið mikið orðaður við Tottenham en Sky Sports segir að einbeiting hans sé á Evrópumótinu núna og svo skoði hann málið.