Piers Morgan, frægasti stuðningsmaður Arsenal, segir að félagið hafi gert rosaleg mistök með því að kaupa ekki alvöru framherja. Það sé að bíta liðið í rassgatið núna.

Arsenal tapaði á heimavelli gegn Aston Villa í gær og missti toppsæti deildarinnar til Manchester City.

Morgan er á því að Mikel Arteta hefði átt að kaupa framherja og nefnir fyrst Ollie Watkins.

„Það hefur komið í bakið á okkur að vera ekki með alvöru framherja, svo mörg færi í fyrri hálfleik sem enginn tók. Ef Watkins væri í okkar liði þá hefðum við unnið 3-0,“ skrifaði Piers og bætti svo við.

Hann hafði barist fyrir því að félagið tæki Cristiano Ronaldo en á hann var ekki hlustað.

„Cristiano myndi skora 25 plús mörk fyrir okkur miðað við liðið okkar og þá þjónustu sem hann fengi. Arteta neitaði að kaupa alvöru framherja sem eru rosaleg mistök.“