Joana Sanz fyrrum eiginkona Daniel Alves hefur eytt Instagram síðu sinni eftir að yfirvöld á Spáni ákváðu að sleppa honum úr haldi.

Alves reynir nú að skrapa saman einni milljón evra og þá er hann laus úr fangelsi.

Sanz var eiginkona Alves þegar hann var handtekinn vegna nauðgunnar og var svo dómur yfir honum staðfestur í febrúar.

Alves fyrrum leikmaður Barcelona og fleiri liða losnar úr fangelsi, mánuði eftir að hann var dæmdur í fjögurra og hálfs árs fangelsi fyrir nauðgun.

Alves hefur setið í fangelsi í eitt og hálft ár á meðan málið var í rannsókn og er það dregið frá dómi hans.

Dómstólar samþykktu að sleppa Alves lausum en hann borgar eina milljón evra í tryggingu, hann fær ekki vegabréf sitt.

Hann þarf að mæta fyrir dómara einnu sinni í viku til að staðfesta að hann sé enn í Barcelona, hann má einnig ekki koma nálægt fórnarlambi sínu.

Dómstólar voru ekki einhuga um þessa ákvörðun en Alves nauðgaði konunni á klósetti á skemmtistað undir lok árs 2022 og hafði síðan þá verið í haldi lögreglu.

Alves er fertugur og á glæstan feril að baki. Hann hefur unnið alla stærstu titlanna í félagsliðaboltanum og leikið með liðum á borð við Barcelona, Juventus og Paris Saint-Germain.

Alves varð elsti leikmaður til að spila fyrir hönd Brasilíu á HM í Katar árið 2022.