Íþróttavikan heldur áfram að rúlla á 433.is og í Sjónvarpi Símans á svæði Hringbrautar. Helgi Fannar Sigurðsson og Hrafnkell Freyr Ágústsson hafa umsjón með þættinum og að þessu sinni var gestur Gunnhildur Yrsa Jónsdóttir, leikmaður Stjörnunnar.

Það vakti athygli eftir leik Breiðabliks og Víkings í Bestu deild karla á dögunum þegar þjálfararnir Óskar Hrafn Þorvaldsson og Arnar Gunnlaugsson skiptust á vel völdum orðum.

Hrafnkell telur að það hafi verið vegna viðtals sem Arnar fór í fyrir leik þar sem hann ræddi meðal annars hvað Blikar hafa tapað mörgum leikjum í sumar.

„Óskar var klárlega að kommenta á viðtalið fyrir leik. Arnar hefur svarað honum,“ sagði Hrafnkell.

Mikill rígur hefur myndast á milli Breiðabliks og Víkings undanfarið.

„Ég held að svona beef í fótbolta geri þetta bara skemmtilegra. Það verður meiri umfjöllun og fær fleira fólk á leikinn,“ sagði Gunnhildur.

Umræðan í heild er í spilaranum.