John Berylson, eigandi og stjórnarformaður Millwall, er látinn, 70 ára að aldri. Félagið staðfesti þetta með tilkynningu í gær.
Í henni segir að Berylson, sem skilur eftir sig eiginkonu og þrjú börn, hafi látist í „sorglegu slysi.“
Bandaríkjamaðurinn eignaðist meirihluta í Millwall 2007 þegar liðið var í ensku C-deildinni. Liðið hefur nú fest sig í sessi í næstefstu deild.
„Það er með sorg í hjarta sem við tilkynnum að eigandi okkar og stjórnarformaður, John Berylson, er látinn,“ segir meðal annars í tilkynningu Millwall.
„Andlát John mun án efa hafa mikil áhrif á þá sem voru svo heppnir að þekkja hann. Hann var frábær og hlýr maður, mikill fjölskyldumaður og gaf svo mikið af sér.“
— Millwall FC (@MillwallFC) July 4, 2023