Luton Town er komið upp í ensku úrvalsdeildina eftir leik við Coventry í úrslitum umspils Championship í kvöld.

Um var að ræða gríðarlega spennandi leik en honum lauk með 1-1 jafntefli eftir 90 mínúturnar.

Það var því fregið til framlengingar en ekkert mark var skorað þar og varð vítaspyrnukeppni raunin.

Þar hafði Luton betur 6-5 en Fankaty Dabo var sá eini sem klikkaði á spyrnu og þá lokaspyrnunni fyrir Coventry.

Magnað afrek Luton sem var í neðri deildunum fyrir ekki svo löngu síðan en mun spila við stærstu félögin næsta vetur.

Það eru 31 ár síðan Luton spilaði síðast í efstu deild.