Líkurnar á því að Mason Mount skuldindi sig hjá Chelsea fara hverfandi. Nokkur félög hafa áhuga. The Athletic fjallar um málið í dag.
Mount er uppalinn hjá félaginu en virðist ekki hafa áhuga á að framlengja samning sinn, sem rennur út eftir næstu leiktíð.
Skrifi enski miðjumaðurinn ekki undir nýjan samning eru allar líkur á að Chelsea muni selja hann í sumar.
Nokkur félög hafa áhuga á því að kaupa Mount. Þar má nefna Bayern Munchen, þar sem fyrrum stjóri Mount hjá Chelsea, Thomas Tuchel, er við stjórnvölinn.
Hins vegar virðist Liverpool leiða kapphlaupið um Mount. Liðið sárvantar góðan miðjumann í sumar. Samningar Naby Keita, James Milner og Alex-Oxlade Chamberlain eru að renna út. Þá eru Jordan Henderson og Thiago komnir á efri ár.
Liverpool er talið hafa haldið viðræður við Mount nú þegar. Anfield er hans líklegasti áfangastaður.
Enski boltinn á 433 er í boði 
