Richard Keys fyrrum fréttamaður hjá Sky Sports og nú starfandi fréttamaður í Katar segir að Steven Gerrard verði að hætta að taka þátt í viðburðum hjá Liverpool, vilji hann fá annað starf í ensku úrvalsdeildinni.
Keys lætur orðin falla eftir að Gerrard spilaði fyrir goðsagnarlið Liverpool í leik um helgina. Gerrard var rekinn sem stjóri Aston Villa fyrr í vetur.
„Ef Gerrard hefur metnað til þess að halda áfram að starfa í ensku úrvalsdeildinni sem þjálfari þá tel ég að hann verði að hætta að spila svona leiki fyrir goðsagnir Liverpool. Líkt og hann gerði síðustu helgi,“ segir Keys.
„Gerrard þarf að fjarlæga sig Liverpool í nokkur ár til viðbótar, hans stærsta vandamál hjá Aston Villa var það að stuðningsmenn sáu hann sem fyrirliða Liverpool.“
„Þetta byrjaði ágætlega, Gerrard sagði alla réttu hlutina en þegar tíminn leið og það gekk illa. Þá var auðvelt að benda á þetta, þrátt fyrir árin tvö hjá Rangers.“
Keys hafði þó þetta að segja líka. „Mögulega hefur hann gefið upp vonina að vera þjálfari, ef hann hefur ekki gert það þá fer hann ekki í svona leiki.“
Enski boltinn á 433 er í boði 
