Antonio Conte, stjóri Tottenham, er ósáttur með leikmenn liðsins sem eru að fá á sig ansi mikið af mörkum.

Conte er þekktur fyrir það að vera með gott varnarskipulag í sínum liðum en Tottenham tapaði 4-2 gegn Manchester City á fimmtudag.

Tottenham hefur fengið á sig 21 mark í tíu leikjum, eitthvað sem Ítalinn getur ekki sætt sig við.

,,Það jákvæða er að við höfum bætt okkur mikið þegar við spilum gegn liðum eins og Manchester City,“ sagði Conte.

,,Á einn hátt erum við að bæta okkar leik en miðað við síðasta tímabil þá erum við ekki að gera eins vel.“

,,Að fá 21 mark á sig í síðustu tíu leikjum, þetta er venjan fyrir lið í fallbaráttunni. Við þurfum að hætta að fá á okkur svona auðvelt mörk.“

Enski boltinn á 433 er í boði