Lionel Messi hefur spilað frábærlega með Inter Miami í MLS deildinni en hann er þó lítið fyrir því að fara eftir settum reglum.

Messi hefur skorað 11 mörk í tíu leikjum fyrir Miami og vilja fjölmiðlar ólmir ræða við hann.

Messi hefur hins vegar í tvígang ekki farið eftir reglum MLS deildarinnar sem gerir þá kröfu að allir leikmenn séu til viðtals eftir leiki.

Eftir sigur á New York Red Bulls í fyrsta leik sagði Miami að Messi myndi ekki mæta og ræða við fréttamenn.

Eftir markalaust jafntefli gegn Nashville í nótt mætti kappann svo ekki til að ræða við fjölmiðla en engar útskýringar voru á því.

MLS deildin gerir kröfu á leikmenn deildarinnar að gefa sér tíma til að ræða við fjölmiðla sé þess óskað.