Arsenal tryggði sér tvo unga leikmenn á lokadegi félagaskiptagluggans. Jaden Dixon, varnarmaður Stoke, og Evan Mooney, sóknarmaður St.Mirren, eru mennirnir sem um ræðir.
Dixon, sem er 18 ára, kemur frá Stoke fyrir um 500 þúsund pund, en kaupverðið getur hækkað. Hann getur spilað á öllum stöðum í vörninni og hefur leikið með U21-liði Stoke síðan hann kom frá unglingaliði Tottenham 2023.
Dixon hefur einnig leikið fyrir U-17, U-18 og U-19 ára landslið Englands.
Mooney, sem er einnig 18 ára, hefur leikið með aðalliði St Mirren en mun ganga til liðs við U-21 árs lið Arsenal. Hann kostar um 400 þúsund pund en eins og í tilfelli Dixon getur upphæðin hækkað.
