Ragnar Sigurðsson fyrrum landsliðsmaður í knattspyrnu var gestur í hlaðvarpsþættinum Dr. Football í dag.
Ragnar hætti í fótbolta á síðasta ári ræddi stuttlega um landsliðið og hvort möguleiki væri á því að Óskar Hrafn Þorvaldsson eða Arnar Gunnlaugsson gætu gert góða hluti með landsliðið.
„Ég þekki Óskar ekki neitt, ég get ekki sagt varðandi hann,“ sagði Ragnar en Arnar Þór Viðarsson er þjálfari liðsins í dag.
„Arnar Gunnlaugs er algjör töffari og veit greinilega alveg hvað hann er að gera, varðandi uppsetningu á leikjum, Leikmenn myndu líta upp til hans.“
„Það skiptir klárlega máli, þú verður að finna eitthvað til að fá virðingu fyrir honum.“
Ragnar er einn besti varnarmaður í sögu Íslands en hann var hluti af landsliðinu sem fór á Evrópumótið og Heimsmeistaramótið.