Ragnar Bragi Sveinsson leikmaður Fylkis og Ómar Ingi Guðmundsson þjálfari HK komu í settið hjá Íþróttavikunni með Benna Bó sem sýnd er á Hringbraut á föstudögum.

Þar fóru yfir leikina í Meistaradeildinni en báðir eru grjótharðir Liverpool stuðningsmenn og var því eðlilega rætt töluvert um sigurinn gegn Ajax. „Ég var ánægður með að vinna leikinn eftir skellinn gegn Napoli,“ sagði Ómar. Ragnar Bragi viðurkenndi að vera nánast veikur Liverpool stuðningsmaður. „Leikurinn gegn Napoli var mjög erfitt kvöld og erfiður dagur daginn eftir. En að fá Jota inn breytti miklu sem og Thiago á miðjuna og Matip í vörnina. Þá er þetta orðið allt annað lið.“

Talið barst eðlilega að Trent Alexander Arnold sem hefur verið mikið gagnrýndur fyrir varnarleikinn það sem af er tímabili.

Ragnar Bragi segir vera nánast í sjokki með hann þessa dagana. „Hann er labbandi um völlinn. Ef ég væri að spila með honum eða að þjálfa hann og horfa á þennan varnarleik þá skil ég þetta ekki. Ég botna ekki í þessu hvernig hann er alltaf röltandi um í vörninni.“

Ómar, sem er þjálfari, var beðinn um að koma með sýna þjálfarasýn á Trent. „Það eru til aðeins of mikið af klippum af honum á þessu tímabili þar sem hann er röltandi um völlinn. Það hjálpar ekki að hann er með Harvey Elliot á miðjunni í staðinn fyrir Henderson í sínu formi síðustu tvö þrjú árin. Ég held að Elliot sé slakasti varnarmaðurinn af þeim leikmönnum sem hafa verið að spila á miðri miðjunni. Hann er þarna hægra meginn. Það hjálpar ekki. Svo er hann með Joe Gomez með sér í vörninni í stað Matip sem hjálpar ekki. Jafnvægið í liðinu er ekki að hjálpa. En það breytir því ekki að klippurnar eru til af honum röltandi um og það skiptir ekki máli hverjir eru með honum í liði þegar maður er röltandi um. En hann fær meira á sig útaf liðsfélögunum í kringum sig.“

Ragnar Bragi segir að Jordan Henderson sé einn besti hjálparmiðjumaður í heimi. „Hann er alltaf mættur í hjálparvörn sem Trent þarf. Hann er kominn mjög hátt á völlinn og þarf hjálp í vörninni því hann er ennþá geggjaður framá við.“

Enski boltinn á 433 er í boði