Arnar Grétarsson, þjálfari KA, hefur verið úrskurðaður í fimm leikja bann fyrir hegðun sína í leik gegn KR í síðustu viku.
Arnar var ósáttur við dómgæsluna í leiknum og hreytti ókvæðisorðum að fjórða dómara.
Hann var í banni í síðasta leik gegn FH, þar sem hann fékk rauða spjaldið aðeins í leiknum á undan. Nú er hins vegar ljóst að bannið gildir alls í fimm leiki. Því eru fjórir eftir.
Arnar verður því klár í síðustu tvo leiki hefðbundna tímabilsins í Bestu deild karla. Eftir 22 leiki verður deildinni skipt upp í tvo hluta.
Þar verður KA nær örugglega í efri hlutanum. Liðið er í þriðja sæti með 30 stig, níu stigum á undan sjöunda sætinu.