Hasan Salihamidzic, yfirmaður knattspyrnumála Bayern Munchen, hefur staðfest það að félagið sé ekki að eltast við Harry Kane, leikmann Tottenham.
Bayern missti sinn besta mann í sumar er Robert Lewandowski skrifaði undir samning við Barcelona.
Það er ekki vilji þýska félagsins að bæta við sig níu á móti og ætlar liðið að gera svipaða hluti og Liverpool og Manchester City hafa gert undanfarin ár.
,,Þetta eru bara sögusagnir. Við erum á leið í aðra átt. Manchester CIty og Liverpool hafa náð árangri í mörg ár án þess að vera með níu,“ sagði Salihamidzic.
Kane hefur lengi verið einn allra besti leikmaður ensku úrvalsdeildarinnar og raðað inn mörkum fyrir Tottenham.
Bayern reyndi aldrei við leikmanninn í glugganum en hann var hársbreidd frá því að ganga í raðir Man City síðasta sumar.