Steven Gerrard, stjóri Aston Villa, hefur tjáð sig um varnarmanninn Tyrone Mings sem er ekki lengur fyrirliði liðsins.
Mings bar fyrirliðaband Villa á síðustu leiktíð en Gerrard ákvað að breyta til í sumar og ákvað að gefa John McGinn bandið.
Gerrard viðurkennir að Tyrone sé ekki sá sami og hann var í búningsklefanum eftir breytinguna en vonar að hún muni skila sér að lokum.
,,Tyrone hefur verið örlítið hljóðlátari. Ég er viss um að þetta sé enn ferskt í minningunni og að hann sé ósáttur með mína ákvörðun sem ég samþykki,“ sagði Gerrard.
,,Hann var tímabundinn fyrirliði sem er annað en að ráða inn endanlegan fyrirliða en hann er atvinnumaður og reynslumikill leikmaður.“
,,Kannski ef einbeitingin er minni á hann þá getur hann náð sínu besta. EF hann gerir það þá gerir hann svo sannarlega tilkall til að vera í byrjunarliðinu.“