fbpx
Mánudagur 15.ágúst 2022
433Sport

Sambandsdeildin: Erfitt verkefni bíður Blika í Tyrklandi eftir úrslit kvöldsins

Helgi Sigurðsson
Fimmtudaginn 4. ágúst 2022 20:40

Frá leik kvöldsins. Fréttablaðið/Valli

Ekki missa af Helstu tíðindum dagsins í pósthólfið þitt

Lesa nánar

Breiðablik tók á móti Istanbul Basaksehir í fyrri leik liðanna í þriðju umferð undankeppni Sambandsdeildar UEFA í kvöld.

Gestirnir frá Tyrklandi ollu Blikum engum teljandi vandræðum framan af í fyrri hálfleiknum. Áttu heimamenn þá nokkrar álitlegar sóknir, án þess þó að ná að opna vörn Basaksehir alveg upp á gátt.

Á 28. mínútu kom hins vegar fyrsta dauðafæri leiksins. Gestirnir brunuðu þá upp í skyndisókn, sem lauk með því að Mounir Chouiar slapp í gegn en Anton Ari Einarsson í marki Blika varði frábærlega frá honum.

Tíu mínútum síðar fékk Basaksehir svo annað færi og þá gat Anton ekki bjargað Blikum. Danijel Aleksic skoraði þá eftir fyrirgjöf Hasan Ali Kaldirim.

Staðan þegar flautað var til loka fyrri hálfleiks var 0-1.

Seinni hálfleikur byrjaði ekki vel fyrir Blika því á 52. mínútu kom Deniz Turuc gestunum í 0-2. Hann var þá einn á fjærstönginni, fékk boltann og setti hann í fyrsta undir Anton Ara og í netið.

Heimamenn tóku þó við sér eftir þetta. Á 62. mínútu áttu þeir góða sókn, Gísli Eyjólfsson fékk boltann og skaut að marki. Það var hins vegar bjargað á marklínu. Sókninni var þó ekki lokið. Boltinn barst á Viktor Karl Einarsson sem átti skot fyrir utan teig sem endaði í netinu. Staðan 1-2.

Blikum tókst ekki að fylgja markinu eftir með því að skapa sér fleiri færi mínúturnar eftir það. Liðið tók hins vegar við sér og átti eftir að skapa sér nokkrar góðar stöður fram á við það sem eftir lifði leiks. Besta tækifæri Blika kom þegar liðið átti skyndisókn, Ísak Snær Þorvaldsson spretti upp völlinn og var með tvo liðsfélaga með sér gegn fáliðuðum Tyrkjum. Hann var hins vegar of lengi að losa boltann og rann sóknin út í sandinn.

Í uppbótartíma skoraði svo Aleksic annað mark sitt og þriðja mark Basaksehir.

Lokatölur 1-3, virkilega svekkjandi fyrir Blika. Þriðja mark gestanna gerir seinni leikinn í Tyrklandi eftir viku að mun stærra prófi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 7 klukkutímum

Reiðin ekki runnin af Conte í gærkvöldi – „Hefðir átt skilið að láta fella þig“

Reiðin ekki runnin af Conte í gærkvöldi – „Hefðir átt skilið að láta fella þig“
433Sport
Fyrir 17 klukkutímum

Spánn: Real byrjar tímabilið á sigri

Spánn: Real byrjar tímabilið á sigri
433Sport
Fyrir 20 klukkutímum

Verður síðasta félag Ancelotti á ferlinum

Verður síðasta félag Ancelotti á ferlinum
433Sport
Fyrir 20 klukkutímum

Baulað hressilega á Eriksen í gær

Baulað hressilega á Eriksen í gær
433Sport
Fyrir 22 klukkutímum

Allt varð vitlaust á Stamford Bridge: Stjórarnir slógust við hliðarlínuna – Sjáðu hvað gerðist

Allt varð vitlaust á Stamford Bridge: Stjórarnir slógust við hliðarlínuna – Sjáðu hvað gerðist
433Sport
Fyrir 22 klukkutímum

Enska úrvalsdeildin: Chelsea og Tottenham skildu jöfn – Dramatík í blálokin

Enska úrvalsdeildin: Chelsea og Tottenham skildu jöfn – Dramatík í blálokin
433Sport
Í gær

Leikmenn Man Utd kallaðir á æfingu í dag eftir ömurlega frammistöðu

Leikmenn Man Utd kallaðir á æfingu í dag eftir ömurlega frammistöðu
433Sport
Í gær

Enska úrvalsdeildin: Nýliðarnir unnu West Ham

Enska úrvalsdeildin: Nýliðarnir unnu West Ham