Chelsea og Tottenham skildu jöfn í ensku úrvalsdeildinni í dag en liðin áttust við á Stamford Bridge.
Leikurinn var nokkuð fjörugur en fyrsta mark leiksins skoraði varnarmaðurinn Kalidou Koulibaly.
Koulibaly kom Chelsea yfir eftir 19 mínútur en hann kom boltanum í netið með laglegu skoti eftir hornspyrnu.
Chelsea var mun sterkari aðilinn í fyrri hálfleik en Tottenham tókst svo að jafna metin í þeim síðari.
Pierre-Emile Hojbjerg skoraði þá fyrir gestina með fínu skoti utan teigs sem Edouard Mendy réð ekki við.
Það mark dugði í níu mínútur en Reece James kom Chelsea svo aftur yfir á 77. mínútu eftir vandræðagang í vörn Tottenham.
Dramatíkin var ekki búin en á 96. mínútu í uppbótartíma jafnaði Tottenham metin eftir hornspyrnu.
Harry Kane sá um að skora markið fyrir Tottenham en hann kom boltanum í netið með skalla til að tryggja dýrmætt stig.
Hér fyrir neðan má sjá einkunnirnar úr leiknum frá Sky Sports.
Chelsea: Mendy (7), James (8), Silva (7), Koulibaly (8), Cucurella (7), Kante (7), Jorginho (6), Loftus-Cheek (7), Mount (7), Havertz (7), Sterling (7).
Varamenn: Azpilicueta (5)
Tottenham: Lloris (6), Royal (5), Romero (6), Dier (6), Davies (5), Bentancur (5), Hojbjerg (7), Sessegnon (5), Kulusevski (4), Son (4), Kane (7).
Varamenn: Perisic (6), Richarlison (7)
Enski boltinn á 433 er í boði 
