Lech Poznan 4 – 1 Víkingur R.
1-0 Mikhael Isak (’32)
2-0 Kristoffer Welde (’44)
2-1 Danijel Dejan Djuric (’90)
3-1 Filip Marchwinski (’96)
4-1 Afonso Sousa (‘119)
Víkingur Reykjavík er úr leik í Sambandsdeildinni líkt og Breiðablik eftir tap í Póllandi í kvöld.
Blikar töpuðu gegn Istanbul Basaksehir 3-0 í kvöld en liðið var 3-1 undir eftir fyrri viðureignina.
Víkingur átti mun meiri séns eftir að hafa unnið Lech Poznan 2-1 heima í fyrri leiknum af tveimur.
Það vantaði ekki upp á dramatíkina í leiknum í kvöld sem lauk með 4-1 sigri pólska liðsins eftir framlengingu.
Staðan var 2-0 fyrir Lech Poznan er uppbótartíminn var kominn í gang en þá skoraði Danijel Dejan Djuric mark fyrir Víkinga til að tryggja framlengingu.
Filip Marchwinski skoraði þriðja mark Poznan eftir sex mínútur í framlengingunni og í kjölfarið fékk Júlíus Magnússon að líta rauða spjaldið.
Spjaldið fór á loft á 109. mínútu í stöðunni 3-1 en flestir eru á sama máli að dómurinn hafi verið algjör þvæla.
Afonso Sousa kláraði svo leikinn algjörlega fyrir Poznan á 119. mínútu en hann hafði klikkað á vítaspyrnu stuttu fyrr.
Lokatölur 4-1 og eru Víkingar úr leik þetta árið.