Cristiano Ronaldo hefur beðið um sölu frá Manchester United en margir af helstu miðlum Englands greina frá.

Sky Sports fjallar á meðal annars um málið en Ronaldo gekk aðeins í raðir Man Utd aftur í fyrra eftir dvöl hjá Juventus.

Það eru tvær stórar ástæður fyrir því að Ronaldo vill fara en hann vill til að mynda ekki spila í Evrópudeildinni.

Ronaldo var virkilega vonsvikinn mepð síðasta tímabil Man Utd sem hafnaði í sjötta sæti og er ekki bjartsýnn fyrir framhaldið.

Fyrir utan það þá hefur Ronaldo áhyggjur af gangi mála á markaðnum en Man Utd hefur enn ekki fengið til sín leikmann.

Ronaldo telur að það þurfi að styrkja hóp liðsins mikið en tveir leikmenn eru sterklega orðaðir við félagið.

Tyrell Malacia er að koma til Man Utd frá Feyenoord og þá er spurning hvort Frenkie de Jong mæti frá Barcelona.

Enski boltinn á 433 er í boði