Það væri ekki skref upp á við fyrir Richarlison að ganga í raðir Tottenham í sumar en hann er við það vera kynntur hjá férlaginu.

Þetta segir Andros Townsend, leikmaður Everton, en hann og Richarlison eru samherjar hjá félaginu sem var nálægt því að falla á síðustu leiktíð.

Að sögn Townsen er Tottenham ekki stærra eða betra lið en Everton og væri Richarlison ekki að taka skref upp á við með þessum félagaskiptum.

,,Ég tel að þú sért að sýna töluverða vanvirðingu með því að kalla Tottenham skref upp á við,“ sagði Townsend í samtali við TalkSport.

,,Að mínu mati er Everton eitt af stærstu félögum Englands, eitt af þeim félögum sem er með mestu söguna og með flesta aðdáendur.“

,,Hann er nú þegar hetja hjá Everton fyrir það sem hann hefue gert. Hann er magnaður leikmaður og í lok tímabils skoraði hann mörk sem héldu okkur uppi.“