Antonio Rudiger, leikmaður Real Madrid, mun klæðast treyju númer 22 hjá félaginu í vetur eftir að hafa skrifað undir á dögunum.
Rudiger kemur til Real frá Chelsea á Englandi en hann var samningslaus og mátti því semja við annað félag.
Chelsea reyndi hvað það gat til að halda Þjóðverjanum en hans draumur var alltaf að spila fyrir Real.
Það eru ekki of margir leikmenn sem velja treyjunúmerið 22 en Eiður Smári Guðjohnsen gerði það vel í þeirri treyju einmitt hjá Chelsea.
Rudiger útskýrði val sitt við Marca en hann er mest hrifinn af númerinu 2 sem er treyja Dani Carvajal og stóð valið á milli 12 eða 22.
Eiður spilaði með Chelsea líkt og Rudiger og var lengi með þetta treyjunúmer en fékk síðar númerið sjö er hann samdi við Barcelona.