Cicinho, fyrrum leikmaður Real Madrid, mætti oft fullur á æfingar liðsins en hann hefur sjálfur greint frá því.

Cicinho er 41 árs gamall í dag og hefur lagt skóna á hilluna en hann lék með Real í tvö ár eftir að hafa samið árið 2006.

Brassinn samdi síðar við Roma þar sem drykkjan minnkaði ekki og drakk hann í allt að 12 klukkutíma dags daglega.

Hann tekur einnig fram að hann hafi byrjað að drekka 13 ára gamall og varð um leið háður áfengi.

,,Ef þú spyrð mig hvort ég hafi mætt fullur á æfingar þá er svarið já,“ sagði Cicinho við Ressaca.

,,Ég drakk kaffi svo enginn myndi finna lyktina og baðaði mig í ilmvatni. Sem fyrrum atvinnumaður þá var þetta auðvelt. Þú þarft ekki að borga til að drekka. Veitingastaðir munu glaðir láta þig fá allt frítt.“