Besta deildin birti í dag lið sjöundu umferðar í karlaflokki. Liðið er myndað út frá tölfræði leikmanna eins og segir á Twitter-síðu Bestu deildarinnar.
Þrír Stjörnumenn eru í liðinu ásamt tveimur Blikum og tveimur Víkingum. Kristinn Steindórsson er í framlínunni ásamt Emil Atlasyni en báðir voru á skotskónum í umferðinni. Kristinn skoraði tvö gegn Fram í 4-3 sigri Blika og Emil skoraði seinna mark Stjörnunnar í 2-0 sigri á KA.
Miðverðirnir Dani Hatakka, leikmaður Keflavíkur og Eiður Aron Sigurbjörsson, leikmaður ÍBV eru í liðinu ásamt Tiago, miðjumanni Fram. Árni Snær Ólafsson sem hélt hreinu og varði víti með ÍA gegn ÍBV í markalausu er besti leikmaður umferðarinnar samkvæmt tölfræði.
Óli Valur Ólafsson, 19 ára leikmaður Stjörnunnar fær 9,4 í einkunn fyrir framistöðu sína gegn KA. Liðið má sjá hér að neðan.
Lið 7. umferðar Bestu deild karla.
Liðið er myndað út frá tölfræði leikmanna. pic.twitter.com/8HEVw4aG7e— Besta deildin (@bestadeildin) May 24, 2022