Endurkoma Christian Eriksen á knattspyrnuvöllinn hefur verið mögnuð, danski miðjumaðurinn hefur blómstrað hjá Brentford.

Eriksen fór í hjartastopp síðasta sumar í leik með Dönum á Evrópumótinu í knattspyrnu og margir töldu að hann myndi aldrei spila fótbolta aftur.

Eriksen samdi við Brentford í janúar og hefur átt frábæran tíma þar, samningur hans er á enda í sumar.

Brentford hefur áhuga á að halda í Eriksen en hann vill taka ákvörðun um framtíð sína í sumar. Ensk blöð segja þrjá kosti vera á borði Eriksen.

Tottenham hefur áhuga á að fá Eriksen aftur en þar átti hann góða tíma áður en hann gekk í raðir Inter á Ítalíu. Antonio Conte var stjóri Inter þegar Eriksen spilaði fyrir félagið en hann er í dag með Tottenham.

Manchester Untied hefur einnig sýnt Eriksen áhuga en ensk blöð segja að Erik ten Hag sem tekur við liðinu í sumar hafi áhuga á danska miðjumanninum.

Þá hefur Brentford mikinn áhuga á að halda í Eriksen en þar hefur  danska miðjumanninum liðið vel.

Enski boltinn á 433 er í boði