Móðir 14 ára drengs sem átti símann sem Cristiano Ronaldo braut í reiðiskasti eftir tap Manchester United gegn Everton í ensku úrvalsdeildinni í gær segir son sinn algjöru sjokki vegna atviksins.
Þegar leikmenn gengu af velli virtist Ronaldo slá einhverju frá sér. Það hefur nú verið staðfest að það var sími hins 14 ára gamla Jacob.
Ronaldo hefur sjálfur beðist afsökunar á atvikinu.
Móðir Jacob ræddi atvikið við staðarmiðilinn Liverpool Echo. „Ég grét og skalf. Jacob var í algjöru sjokki. Hann er einhverfur svo hann áttaði sig ekki alveg á þessu fyrr en við komum heim.“
„Hann er svo leiður yfir þessu og hann vill ekki fara aftur á leik. Þetta var fyrsti leikurinn sem hann fer á og þetta gerist. Þetta var frábær dagur alveg fram að þessu. Þetta eyðilagði daginn og skilur okkur eftir með óbragð í munni.“
„Það var ráðist á einhverfan dreng af knattspyrnumanni. Þannig sé ég þetta sem móðir.“
Lögreglan í Merseyside er með málið til rannsóknar.