Inter tók á móti Liverpool í stórleik kvöldsins í 16-liða úrslitum Meistaradeildar Evrópu.
Fyrri hálfleikur var nokkuð jafn. Liverpool var meira með boltann en Inter komst hins vegar næst því að skora. Það var þegar Hakan Calhanoglu setti boltann í slána eftir rúman stundarfjórðung.
Staðan í hálfleik var markalaus.
Heimamenn voru svo betri aðilinn lengst af í seinni hálfleiknum. Þeir sköpuðu sér nokkur færi til að skora og kom Edin Dzeko knettinum meira að segja í netið á 60. mínútu. Hann var hins vegar réttilega dæmdur rangstæður.
Þegar stundarfjórðungur lifði leiks skoraði Roberto Firmino hins vegar fyrir Liverpool. Markið kom með flottum skalla eftir hornspyrnu. Það er óhætt að segja að það hafi komið gegn gangi leiksins.
Um átta mínútum síðar gengu gestirnir svo á lagið og settu annað mark á særða Ítalíumeistaranna. Virgil van Dijk skallaði þá fyrirgjöf fyrir fæturnar á Mohamed Salah sem setti boltann í netið. Skotið tók nokkra stefnubreytingu af varnarmanni Inter á leið í markið.
Lokatölur 0-2. Liverpool fer með gott forskot í seinni leikinn á Anfield.
Á sama tíma tók RB Salzburg á móti Bayern Munchen.
Chukwubuike Adamu kom heimamönnum óvænt yfir með góðu skoti á 21. mínútu.
Bayern sótti aðeins í sig veðrið þegar leið á seinni hálfleik. Kingsley Coman sá svo til þess að staðan í einvíginu sé jöfn fyrir seinni leikinn í Þýskalandi með marki seint í leiknum.