Furðuleg saga af Wayne Rooney frá æfingasvæði DC United hefur litið dagsins ljós.
Manchester United-goðsögnin er aðalþjálfari DC í MLS-deildinni vestanhafs, en hann lék með liðinu á leikmannaferlinum einnig.
Hinn 37 ára gamli Rooney tók við DC í júlí og það gekk ekki nógu vel. Liðið vann aðeins tvo leiki í deildinni eftir að hann kom inn og hafnaði á botni Austurdeildarinnar.
Á einum tímapunkti reyndi Rooney að blása lífi í leikmenn sína með því að tala um hvernig hann hefur þurft að yfirstíga erfiðleika sína sem maður með lítið typpi.
Samkvæmt heimildamönnum enskra blaða notaði hann þetta sem dæmi en leikmenn hans tóku ekki allt of vel í þessa sögu hans.
„Þetta var fyndið og hann vonaðist til að með því að nota sögu um sig teldu menn hann vera að tala frá hjartanu,“ sagði heimildamaður.
„Flestir í leikmannahópnum voru undrandi og áttu erfitt með að skilja hvað þessi mál hefðu að gera með frammistöðuna innan vallar.
Sumir af yngri leikmönnunum voru skíthræddir. Þeir eru ekki með þennan breska húmor.“
