Wayne Rooney var um helgina beðinn um að velja á milli þriggja góðra leikmanna, Lionel Messi, Harry Kane og Cristiano Ronaldo.
Rooney, sem er aðalþjálfari DC United í MLS-deildinni, var að fjalla um Heimsmeistaramótið í Katar, sem hófst í gær, þegar hann var beðinn um að velja á milli leikmannanna þriggja.
Manchester United-goðsögnin átti að setja einn í byrjunarlið, einn á bekkinn og hafa einn utan hóps.
„Ég myndi hafa Messi í byrjunarliðinu, Kane á bekknum og hafa Ronaldo utan hóps. Hann er ekki að spila fyrir félag sitt,“ sagði Rooney.
Ronaldo fór í umdeilt viðtal við Piers Morgan á dögunum, þar sem Rooney var á meðal þeirra sem fékk að heyra það frá Portúgalanum.
Hann hefur verið í aukahlutverki hjá United á þessari leiktíð og dagar hans á Old Trafford verða að öllum líkindum senn taldir.