Guðmundur Kristjánsson hefur skrifað undir samning við Stjörnuna og mun leika með félaginu næstu árin.
Gumma þarf ekki að kynna fyrir fótboltaáhugafólki, en hann hefur leikið í efstu deild undanfarin ár, bæði fyrir Breiðablik og nú síðast FH. Árið 2012 fór hann til Noregs þar sem hann spilaði í 6 ár áður en hann snéri aftur heim. Gummi á að baki 35 landsleiki og þar af 6 fyrir A-landsliðið.
„Það er geggjað að fá reynslubolta eins og Gumma til liðs við okkur enda leikmaður sem hugsar ákaflega vel um sig og við teljum að hann muni falla vel inní það sem við höfum verið að búa til í Stjörnunni. Eftir samtöl við hann finnur maður vel hversu áhugasamur hann er að leggja sitt af mörkum og er tilbúinn í að leggja allt sitt í verkefnið sem er nákvæmlega það sem við ætlum okkur að gera. Gummi er annar leikmaðurinn sem við bætum við okkur og við erum sannarlega ekki hættir”, segir Helgi Hrannarr Jónsson, formaður mfl. karla
Guðmundur sjálfur er sáttir. Ég mjög ánægður að ganga til liðs við Stjörnuna. Klúbburinn er með mikinn metnað og gott og spennandi lið, sem ég hlakka til að leggja mitt af mörkum til að gera enn betra. Ég held að sá fótbolti sem liðið spilar henti mér vel og ég get ekki beðið eftir að hitta strákana og byrja undirbúning fyrir næsta tímabil”, segir Guðmundur Kristjánsson