Ásgerður Stefanía Baldursdóttir fyrrum leikmaður Vals og nú þjálfari hjá félaginu var gestur í Íþróttavikunni með Benna Bó á föstudagskvöld en með henni í setti var Hörður Snævar Jónsson, fréttastjóri íþrótta á Torgi.
Málefni Kjartans Henry Finnbogasonar hjá KR hafa verið til umræðu í að verða tvær vikur. KR nýtti sér uppsagnarákvæði í samningi Kjartans.
Kjartan er ósáttur hvernig staðið var að málum og KR-ingar eru ósáttir með að Kjartan hafi rætt málið opinberlega. Rúnar Kristinsson þjálfari KR beið í um viku með að ræða málið opinberlega.
„Ég er orðin þreyttur á þessu máli en Rúnar hengi hann til þerris þarna á mánudag, talar um að Kjartan hafi hagað sér illa. Ég hef ekki orðið var það þá fyrr en núna að Kjartan sé að gagnrýna KR opinberlega,“ sagði Hörður Snævar um málið
„Rúnar beið í níu daga til að svara þessu. Þetta er leiðinlegt mál fyrir alla.“
Ásgerður segir málið vera vont fyrir alla „Þetta er vont mál, ég finn smá til með Kjartani. Það eru miklar tilfinningar og maður sér það hjá Kjartani og Rúnari.“
Umræða um þetta er hér að neðan.