Davíð Smári Lamude verður síðar í dag kynntur sem nýr þjálfari Vestra í Lengjudeildinni. Þetta herma heimildir 433.is

Davíð Smári tilkynnti í gær að hann hefði látið af störfum sem þjálfari Kórdrengja.

Davíð hafði unnið magnað starf með Kórdrengi en hann kom liðinu upp úr neðstu deild og upp í þá næst efstu. Kórdrengir hafa verið í Lengjudeildinni í tvö ár.

Hann ákvað að láta staðar numið með félagið og taka við Vestra sem leikur í sömu deild.

Gunnar Heiðar Þorvaldsson stýrði Vestra á síðustu leiktíð en nú tekur Davíð Smári við Vestra en þar eru menn stórhuga fyrir næstu leiktíð í Lengjudeildinni.