Búið er að fresta leik Everton og Leicester í ensku úrvalsdeildinni í annað sinn. Er það vegna fjölda kórónuveirusmita í herbúðum Leicester.
Leikurinn átti upphaflega að fara fram 21. desember en var svo færður til 11. janúar vegna smita. Nú er hins vegar ljóst að ekki verður hægt að spila leikinn þá. Aðeins eru átta útileikmenn hjá Leicester liðtækir í leikinn.
Fjölda leikja hefur verið frestað á þessu tímabili sökum veirunnar skæðu.
