Mikel Arteta, knattspyrnustjóri Arsenal, segir félagið hafa farið rétt að hlutunum þegar það bað um frestun á leik sínum við erkifjendur sína í Tottenham á dögunum. Arsenal hefur orðið fyrir mikilli gagnrýni í kjölfar þess að ákveðið var að fresta leiknum.

Ástæða frestunarinnar var sú að Arsenal hafði ekki nægilega marga leikmenn til að fylla upp í leikmannahóp sinni.  Antonio Conte, knattspyrnustjóri Tottenham, sagði ákvörðunina um að fresta leiknum vera undarlega.

,,Við munum verja félagið með kjafti og klóm. Við munum ekki líða það að einhver sé að reyna eyðileggja orðspor okkar eða ljúga til um hluti sem hafa ekki átt sér stað,“ sagði Arteta á blaðamannafundi í dag.

Hann segir að Arsenal yrði fyrst til að viðurkenna það ef mistök hefðu átt sér stað en ,,við höfðum ekki nægilega marga leikmenn til þess að mæta til leiks í leik í ensku úrvalsdeildinni. Það er 100% öruggt.“

Samkvæmt reglum ensku úrvalsdeildarinnar getur félag beðið um frestun á leik sínum ef færri en 13 leikmenn + markmaður eru til takst.

,,Fyrstu þrjá leiki tímabilsins spiluðum við þegar að önnur lið voru að biðja um frestun á sínum leikjum. Núna báðum við um frestun á leik vegna þess að við höfðum allar ástæður til þess,“ sagði Mikel Arteta knattspyrnustjóri Arsenal.

Enski boltinn á 433 er í boði