Freyr Alexandersson, þjálfari danska knattspyrnufélagsins Lyngby og fyrrum aðstoðarlandsliðsþjálfari íslenska karlalandsliðsins í knattspyrnu, segist ekki vera frá því að sakna síns gamla vinnufélaga, Erik Hamrén, fyrrum landsliðsþjálfara karlalandsliðs Íslands.
Frá þessu greinir Freyr í færslu á samfélagsmiðlinum Twitter en Freyr og Hamrén voru hársbreidd frá því að koma íslenska karlalandsliðinu á sitt þriðja stórmót.
,,Ég er ekki frá því að ég sakni gamla mannsins,“ skrifaði Freyr í færslu á Twitter og deildi myndbandi frá stjórnartíð Hamrén hjá danska úrvalsdeildarfélaginu AaB. Á myndbandinu má Hamrén fagna danska meistaratitilinum tímabilið 2007-2008.
Er ekki frá því að ég sakni gamla mannsins 👑 https://t.co/TGKZ0D66JJ
— Freyr Alexandersson (@freyrale) January 17, 2022
Hamrén tók við íslenska karlalandsliðinu þann 8. ágúst árið 2018, Freyr var ráðinn inn honum til aðstoðar og í sameiningu voru þeir hársbreidd frá því að koma Íslandi á sitt þriðja stórmót. Tap í úrslitaleik um laust sæti á EM gegn Ungverjalandi sá hins vegar til þess að sá draumur fjaraði út.