Micah Richards, fyrrum varnarmaður Manchester City, Aston Villa og fleiri liða, hefur komið Arsenal til varnar. Félagið hefur legið undir gagnrýni fyrir að fá leik sínum gegn Tottenham, sem átti að fara fram í dag, frestað.
Samkvæmt reglum ensku úrvalsdeildarinnar geta félög sótt um frest ef mikil skakkaföll eru í leikmannahópum þeirra vegna kórónuveirusmita í bland við meiðsli. Reglurnar þykja nokkuð óskýrar og hafa þær verið töluvert gagnrýndar.
Arsenal hefur verið gagnrýnt fyrir að notfæra sér reglurnar í þessu tilfelli.
Richards, sem starfar sem sparkspekingur á Sky Sports, segir ekki við Arsenal að sakast. Hann minntist þá á það þegar Arsenal lék löskuðu liði gegn Brentford í upphafsleik tímabilsins. Þá voru mörg kórónuveirusmit innan herbúða liðsins.
,,Fyrsti leikur tímabilsins gegn Brentford. Þá voru þeir ekki með Lacazette, ekki með Aubameyang,“ sagði Richards.
,,Mér finnst eins og það sé þannig að þegar það er verið að gagnrýna Arsenal vilja allir vera með. Arsenal hefur spilað frábærlega og samkvæmt reglunum hafa þeir ekki gert neitt rangt. Þeir hafa ekki nægilega marga aðalliðsleikmenn.“
,,Ég skil að fólk sé reitt en mér finnst þeir ekki hafa gert neitt rangt. Önnur félög myndu gera það sama. Ef þau segja að þau myndu ekki gera það eru þau að ljúga.“
🗣 "In my opinion they've done nothing wrong, let's be honest, other clubs would do the same thing, it's not an Arsenal thing. Every team in the Premier League would look after themselves and if they say they wouldn't then they're lying."@MicahRichards on the NLD postponement pic.twitter.com/9kRCcY4KrP
— Football Daily (@footballdaily) January 16, 2022