Atletico Madrid á Spáni er að skoða þann möguleika að fá markmanninn David de Gea aftur í sínar raðir.

Frá þessu greina ensk götublöð en De Gea er í dag aðalmarkvörður Manchester United og verður samningslaus næsta sumar.

De Gea hefur legið undir töluverðri gagnrýni á Old Trafford en fólk virðist alls ekki vera sammála um það hvort hann sé nógu góður fyrir liðið eða ekki.

De Gea þykir mjög góður í að verja skot en þykir að sama skapi ekki nógu ógnvekjandi í teignum og er boltameðferð hans ekki sú besta.

Jan Oblak er í dag aðalmarkvörður Atletico en hann er talinn vera nokkuð ósáttur og gæti viljað komast burt á næsta ári.

De Gea er uppalinn hjá Atletico og lék með aðalliðinu frá 209 til 2011 áður en Man Utd festi kaup á honum undir stjórn Sir Alex Ferguson.