Lífið leikur við Eric Dier varnarmann Tottenham þessa dagana en hann fékk aftur sæti í enska landsliðinu eftir nokkra fjarveru.
Dier hefur spilað vel með Tottenham undanfarið og fékk traustið frá Gareth Southgate.
Lífið leikur einnig við Dier utan vallar því hann hefur krækt sér í nýja kærustu sem heitir Anna Modler.
Fyrirsætan þekkir líf knattspyrnumanna ágætlega því áður var hún í sambandi með Alexis Sanchez fyrrum leikmanni Arsenal og nú leikmanni Marseille.
Tottenham og Arsenal eru erkifjendur í fótboltanum en liðin mætast einmitt í ensku úrvalsdeildinni eftir rúma viku. Dier er 28 ára gamall en Modler er 24 ára.