Manchester City hefur sent einn aðila úr læknateymi sínu til að vera með Erling Haaland á meðan hann er í verkefni með norska landsliðinu.
Mario Pafundi úr læknateyminu á í góðu sambandi við Haaland og var sendur með honum í verkefnið.
Pafundi mun starfa fyrir norska sambandið á meðan verkefnið er í gangi en Stale Solbakken þjálfari liðsins segir Haaland hafa gefið honum meðmæli.
City vonast til að með þessu verði betur passað upp á Haaland í landsliðsverkefninu og að hann komi heill heilsu til baka.
Noregur mætir Slóveníu og Serbíu í verkefninu en beint eftir það fer Haaland í leik með City gegn Manchester United.
Haaland hefur byrjað frábærlega með City í ensku úrvalsdeildinni og raðað inn mörkum eftir félagaskipti sín frá Dortmund.