Aron Einar Gunnarsson verður með íslenska landsliðinu í komandi landsleikjum gegn Venesúela og Albaníu. Ef horft er til frammistöðu á vellinum ætti endurkoma hans að reynast kærkomin.
Ísland mætir Venesúela í vináttulandsleik í Austurríki eftir slétta viku. Fimm dögum síðar keppir liðið gegn Albaníu í lokaleik sínum í Þjóðadeild UEFA.
Arnar Þór Viðarsson landsliðsþjálfari mun formlega tilkynnna um leikmannahópinn síðar í dag.
Aron Einar lék síðast með íslenska landsliðinu í júní í fyrra, í vináttuleik gegn Póllandi.
Síðan þá hefur Ísland spilað fimmtán leiki en aðeins unnið tvo þeirra, gegn Liechtenstein og San Marínó.
Í 97 A-landsleikjum Arons Einars er Ísland aftur á móti með rúmlega 41% sigurhlutfall. Það er öllu betri árangur.
Með hann innanborðs fór Ísland þá á lokakeppni EM 2016 og HM 2018.